Pallabra de Muyer | n´asturianu
Tas convidáu/ada a celebrar nel Mercáu Artesanu y Ecolóxicu de Xixón, los díes sábadu 8 y domingu 9 d’ochobre, el Día de les Escritores p’amosar y dar valor al llabor de les muyeres qu’escribieron a lo llargo de la historia poniendo atención especial nes autores n’asturianu.
La Fundación Municipal de Cultura, Educación y Universidá Popular de Xixón, al traviés de la Oficina de Normalización Llingüística y l’Asociación Mercáu Artesanu y Ecolóxicu entamen a comuña’l programa “Pallabra de Muyer” col que se sumen a la celebración del Día de les Escritores. L’actividá cuenta amás cola colaboración de les Biblioteques Municipales de Xixón.
Día de les Escritores
El17 d’ochobre celébrase’l VII Día de les Escritores, entamáu pola Biblioteca Nacional d’España y qu’esti añu escoyó’l tema “Enantes, demientres y dempués de les guerres” y ye “un homenaxe al papel fundamental que cumplieron en situaciones de conflictu bélicu y ayuda a reflexonar y mirar con otros güeyos una situación de sufrimientu, pero tamién de xenerosidá y compromisu”.
Ente otres actividaes, propón la llectura y interpretación de testos de muyeres determinantes pa entender la nuestra historia contemporánea. “Dramaturgues, novelistes, periodistes, cabe medioambientales, profesores… Autores tan indispensables como Elena Fortún, Montserrat Roig o Almudena Grandes, pero tamién tan necesaries como Aida Cartagena Portalatín, Nellie Campobello, Alaíde Foppa o María Elena
Walsh”.
Pallabra de Muyer
Per segundu añu consecutivu “Pallabra de Muyer” ofrez un programa d’actividaes col que se convida al públicu a sumase a la celebración del Día de les Escritores. Na edición d’ochobre del Mercau Artesanu y Ecolóxicu de Xixón, los díes 8 y 9 d’ ochobre, n’horariu de 12:00 a 15:00 y de 17:00 a 20:00 (domingu hasta les 19:30) ábrese otra vuelta un espaciu pa dar voz a les muyeres que col so llabor lliterario dexaron el so legáu escritu y pon atención especial a les lletres de muyer n’asturianu.
Programa d’actividaes:
1.- Xosefa de Xovellanos, una muyer de lletres.
1.- Xosefa de Xovellanos, una muyer de lletres.
Propón un averamientu a la figura de la escritora Xosefa de Xovellanos al traviés d’una actividá infantil pa conocer meyor la so obra. Amás, vamos recibir la visita de Xosefa de Xovellanos que va interacturar y endulzar al públicu visitante colos sos “carambelos lliterarios”.
Xosefa de Xovellanos. La primer escritora n’asturianu, ilustrada, culta y entamadora nel fomentu de la educación de les muyeres.
Xosefa de Xovellanos y Xove Ramírez (1745-1807), nació y finó en Xixón. Ye conocida polos sos poemes, escritos sobre too n’asturianu, colos que s’amestó a los plantegamientos de la Ilustración. Primer autora cronolóxica de les lletres asturianes, la so vida ye un exemplu nidiu de cómo llevaron los ilustrados les sos idees a la lliteratura. Ante too, Xosefa de Xovellanos denunció les desigualdaes escandaloses qu’alvertía
alredor.
2.-“Enantes, demientres y dempués de les guerres”
Cola collaboración de les Biblioteques Públiques de Xixón facemos ecu del tema escoyíu nesta edición pola Biblioteca Nacional “Enantes, demientres y dempués de les guerres” y sumámonos a la iniciativa de visibilizar a eses “muyeres determinantes pa entender la nuestra historia contemporánea” al traviés d’una pequeña esposición.
