L’árbol de la Vida - Mercado artesano y ecológico
El Mercado Artesano y Ecológico de Gijón se ha consolidado como un referente artesanal, gastronómico y turístico de Gijón el segundo fin de semana de cada mes. La calidad de sus productos es su principal distintivo y reclamo, junto con las actividades y talleres.
Mercado artesano y ecológico de Gijón, Mercado artesano y ecológico, mercado ecológico y artesano de Gijón, mercado ecológico y artesano, artesanía de Asturias, gastronomía de Asturias en Gijón
24268
page-template-default,page,page-id-24268,ajax_fade,page_not_loaded,,select-theme-ver-3.6.1,wpb-js-composer js-comp-ver-5.0.1,vc_responsive

L’Árbol de la Vida

El Mercáu Artesanu y Ecolóxicu de Xixón va presentar un proyeutu participativu na Selmana Europea de Prevención de Residuos -SEPR 2018-, una iniciativa xestionada n’Asturies por Cogersa y co-financiada pol programa LIFE+ de la Comisión Europea que tien como oxetivu promover y entamar nuna selmana aiciones de sensibilización sobre recursos sostenibles y xestión de residuos. Esti añu va celebrase la selmana del 17 al 25 de payares.

PROYEUTU: ‘L’ÁRBOL DE LA VIDA’

El proyeutu del Mercáu Artesanu y Ecolóxicu de Xixón titúlase ‘L’Árbol de la Vida’ y ta inspiráu na lleenda oriental del filu coloráu: “los xaponeses tienen la creyencia de que les persones predestinaes a conocese tán xuníes por un filu coloráu atáu al moñín. Ye invisible y permanez atáu a estes dos persones magar el tiempu, el llugar, les circunstancies… El filu pue enriedase o tensase, pero nun pue romper”.

Un filu coloráu va ser, poro, el conductor del proyeutu. Con él vamos crear una rede de persones ya idees pa concienciar sobre la necesidá d’amenorgar los residuos y contribuyir asina, ente toos, a facer un mundu meyor.

‘L’Árbol de la Vida’ va arriquecer coles aportaciones individuales y los pequeños xestos qu’ente toles persones que participen van dir sumando hasta vistir l’árbol.

El nuestru envís ye crear una gran rede que va surdir d’Asturies pero que va dir espardiéndose con desarrollu esponencial demientres los meses de marzu a payares pa ‘dar vida y enerxía’ a esti arbolón que simboliza’l planeta Tierra.

DESARROLLU:

1.- El Mercáu Artesanu y Ecolóxicu de Xixón va encargase de la organización, desarrollu y presentación final del proyeutu. Pa entamar, vamos precisar collaboradores, cualesquier persona o entidá pública o privada que quiera involucrase y ayudar a facer posible’l proyeutu.

Estos collaboradores van encargase de colocar un filu coloráu como si fuere un tendal en cualquier llugar que seya posible. Nesti tendal van dir colgándose unes cartulines blanques que se van entregar primero a les persones participantes y que van recoyer les sos idees (dibuxos, frases, versos, conseñes… cualesquier creación rellacionada cola prevención de residuos).

N’acabando l’actividá, la persona collaboradora va facer una semeya del tendal que va unviar a la web de l’asociación. Va encargase tamién d’apurrir les cartulines orixinales a la organización.

2.- El primer tendal va allugase na Plaza Mayor de Xixón coincidiendo cola celebración del Mercáu nos díes de Selmana Santa (dende’l xueves 29 hasta’l 1 d’abril, dambos incluyíos). El proyeutu va allargase hasta’l día 1 de payares.

3.- Unos díes primero de la celebración de la Selmana Europea de la Prevención de Residuos (SEPR) va montase la cadarma del árbol nel llugar escoyíu y va dir vistiéndose con toles cartulines recibíes. L’árbol va ser de madera o cartón, a poder ser con material reciclao. Los sos raigaños van ser visibles y coloraos, como’l filu conductor que va xuntar l’árbol coles cartulines que van simbolizar les fueyes.

Amás, va presentase un gran mural con toles semeyes de tendales recibíes, referenciando’l so llugar d’orixe. De la mesma manera, vamos colocar un mapamundi colos puntos onde tean allugaos los tendales.

Na celebración de la SEPR, los visitantes van poder siguir participando y aportando idees en cartulines nueves que se van añadir al ‘Árbol de la Vida’

PARTICIPANTES:

Asociaciones, entidaes públiques y privaes, families, aportaciones individuales, etcétera.

MATERIAL:

Filu coloráu, cartulines blanques (0,05 x 0,30 metros)

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies